علم كلام سؤاللرى و جوابلرى
۱-علم كلامك تعريفنى, موضوعنى وغايه سنى يازيكز.
تعريفى: علم يبحث فيه عن ذات الله تعالى و صفاته و احوال الممكنات من المبدأ و المعاد على قانون الإسلام.
موضوعى: ذات الله و صفات الله در.
غايه سى: الترقى من خضيض التقليد الى ذروة اليقين, و ارشاد المسترشدين, و الزام المعاندين, و حفظ عقائد المسلمين عن شبه المبطلين. و غاية غايته:الفوز بسعادة الدارين.
۲-علم كلامك محتوياتنى و حكمنى يازيكز.
محتوياتى: اوج مهم اساسدر: الهيات, نبويات, سمعيات.
حكمى: اعتقادى مسئله لرى اجمالا اوكرنمك فرض عين, تفصيلا اوكرنمك فرض كفايه در.
۳-علم كلامك واضعنى, متن عقائد و شرح عقائدك مصنفلرينى وفات تاريخلريله برابر يازيكز.
واضعى: الك واضع امام اعظم حضرتلرى(هجرى۱٥٠),اوندن صوكره امام اشعرى(هجرى۳۲٤) و امام ماتريدى(هجرى ۳۳۳) حضرتلريدر.
متنك مصنفى:عمر نسفى حضرتلرى(هجرى ٥۳٧), شرحك مصنفى:سعدالدين مسعود بن عمر التفتازانى حضرتلرى(هجرى٧٩۲).
٤-احكام شرعيه عمليه و اعتقاديه يه تعلق ايدن علملره نه اسم ويريلير؟
احكام شرعيه عمليه يه تعلق ايدن علمه علم الشرائع و الأحكام, احكام شرعيه اعتقاديه يه تعلق ايدن علمه ايسه علم التوحيد و الصفات دييه اسم ويريلير.
٥-صحابه كرام و تابعين دورنده نيجون عمل و اعتقادله علاقه لى كتابلر يازيلمامشدر؟
۱-صحابه كرامك, بيغمبر افنديمزك صحبتى ايله، تابعينك ده زمانلرينك افنديمزك زماننه يقين اولمسى سببى ايله اعتقادلرى تميز اولديغى ايجون, ۲-واقعه و اختلافلر آز اولديغى ايجون, ۳-كنديلرينه اعتماد ايديلن كيمسه لره مراجعت امكانى اولديغى ايجون.
٦-بو علمه نيجون كلام دييه اسم ويريلمشدر؟
۱-بو علمك بحثلرينك باشلقلرى "الكلام فى كذا و كذا" شكلنده اولديغى ايجون. مثلا: الكلام فى اثبات الواجب, الكلام فى اثبات النبوة ۲-كلام الهى مسئله سى بو علمك بحثلرينك اك مشهورى اولديغى ايجون, ۳- شرعى علملرى تحقيقده و خصمى صوصدورمقده كيشينك كلامنه قدرت ويرديكى ايجون, ٤- بو علم مباحثه و مكالمه ايله اولوشديغى ايجون, ٥- بو علمك دليللرى- قطعى دليللر اولمسى سببى ايله- قلبه تأثير ايتديكى ايجون.
٧- فرق اسلاميه نك باشليجه لرى كيملردر؟
۱-فرقه ناجيه: اهل سنت, ۲- فرق ضاله: معتزله, شيعه, خوارج, مرجئه, نجاريه, جبريه, مشبهه.
٨-معتزله كنديسنه نيجون "اصحاب العدل والتوحيد" دييه اسم ويرمشدر؟
" عاصى اولانه عذاب ايتمك، مطيع اولانه ده ثواب ويرمك جناب حق اوزرينه واجبدر" دييه حكم ايتدكلرى ايجون اصحاب عدل، الله تعالى نك قديم صفاتلرينى نفى ايتدكلرى ايجون ده اصحاب التوحيد دييه اسم ويرمشلردر.
٩-واصل بن عطاء، امام ابو الحسن الأشعرى و امام ماتريدى كيملردر؟
واصل بن عطاء:حسن بصرينك طلبه لرندن ايكن اوندن ايريلارق معتزله مذهبنى احداث ايدن شخصدر ومعتزله نك رئيسلرندندر.
امام الأشعرى: اوكجه لرى معتزله مذهبنده ايكن صوكره دونوب اهل سنت عقيده سنى امام شافعى نك كوروشلرى اوزره احيا ايدن ذاتدر.
امام ماتريدى: ما وراء النهرده اهل سنت عقيده سنى امام اعظم افنديمزك كو روشلرى اوزره احيا ايدن ذاتدر.
۱٠-علم كلام حقنده سلفك بعضيسندن نقل اولونان طعن و منع كيملر ايجوندر؟
دينده متعصب اولانلر، يقينى تحصيل ايده مه ينلر، مسلمانلرك عقائدنى بوزمق ايسته ينلر و فلاسفه نك فائده سز فكرلرينه طالانلر ايجوندر.
۱۱-بو علمك موضوعى ذات الهى و صفات الهى اولديغى حالده مصنف حضرتلرى نيجون حقائق اشياء ايله باشلادى؟
علم كلامك مبنىسى، محدثاتك وارلغندن حضرت اللهك وارلغنه، برلكنه، صفتلرينه، فعللرينه، بورادن ده سائر سمعياته كيتمك اولديغي ايجون . ( اثردن مؤثره استدلال اولان برهان انى قوللانيلمشدر.)
۱۲- حقائق اشياء حقنده كى كوروشلرى يازيكز.
- اهل سنت : حقائق اشياء ثابتدر وبوكا دائر علم ده ثابتدر.
- سوفسطائيه: بوده اوج فرقه در.
عناديه: اشيانك حقيقتلريني انكار ايدر و بو حقيقتلرك بوش بر خيال و وهمدن عبارت اولديغنى سويلر.
عنديه:اشيانك حقيقتلرينك ثبوتنى انكار ايدر و بو حقيقتلرك اعتقادلره كوره دكيشه بيله جكنى سويلر.
لاادريه:بر شيئك ثابت اولديغنه ده ثابت اولمديغنه ده دائر علمى انكار ايدر و كنديلرينك شبهه جى اولدقلرينى سويلرلر.
۱۳-علمى تعريف ايديب اسباب علمى تعداد ايديكز.
علم:صفة يتجلى بها المذكور لمن قامت هى به. اسباب علم:حواس سليمه، خبر صادق، عقل.
۱٤-خبر متواترك تعريفنى وحكمنى بر مثال ايله يازيكز.
تعريفى:وهو الخبر الثابت على السنة قوم لا يتصور تواطئهم على الكذب. حكمى:علم ضرورى يى ايجاب ايدر. مثال:كجمش زمانده ياشامش بادشاهلرى و اوزاق بلده لرى بيلمك كبى.
۱٥-خبر رسول هانكى علمى ايجاب ايدر؟ رسول، معجزه ودليلك تعريفنى يازيكز.
خبر رسول علم استدلالى يى ايجاب ايدر. رسول:انسان بعثه الله تعالى الى الخلق لتبليغ الأحكام. معجزه: امر خارق للعادة قصد به اظهار صدق من ادعىانه رسول من الله تعالى. دليل: وهو الذى يمكن التوصل بصحيح النظر فيه الى العلم بمطلوب خبرى.
۱٦-خارق العاده قاج قسمدر و نه لردر؟ كرامتى تعريف ايديكز.
آلتى قسمدر:ارهاص، معجزه، كرامت، معونت، استدراج و اهانت.
كرامت:ظهور امر خارق للعادة من قِبل الولى غير مقارن لدعوى التبوة.
۱٧-عقلى تعريف ايديب عقلله ثابت اولان علمك قسملرينى برر مثال ايله يازيكز.
عقل:قوة للنفس بها تستعد للعلوم و الإدراكات. عقلله بالبداهه ثابت اولان علم، علم ضروريدر، بر بتونك كندى بارجه سندن دها بيوك اولديغنى بيلمك كبى. عقلله بالإستدلال ثابت اولان علم ايسه علم اكتسابى در، بر يرده طومان كورولديكنده اوراده آتشك وار اولديغنى بيلمك كبى.
۱٨-الهامى تعريف ايديب اسباب علمدن اولمامسنى بيان ايديكز.
الهام:القاء معنى فى القلب بطريق الفيض.اسباب علمدن دكلدر. جونكه بوراده كى سببدن مقصد، كنديسى سببيله عامه خلق ايجون علم حاصل اولان و غيرى الزام ايتمه يه صالح اولان سببدر. حالبوكه الهامده بو خصوصيتلر يوقدر.
۱٩-عالم نه در، نيجون محدثدر، اللهك صفاتلرى عالم جمله سندنميدر، نيجون؟
عالم: ما سوى الله تعالى من الموجودات مما يعلم به الصانع. محدثدر، جونكه عالم، محدث اولان اعيان و اعراضدن مركبدر. اللهك صفاتلرى عالم جمله سندن دكلدر، جونكه اللهك صفاتلرى، ذاتنك غيرى بر شىء دكلدر.
۲٠- فلاسفه يه كوره عالم قديمميدر، حادثميدر؟
عالم، قدم زمانى ايله قديم، حدوث ذاتى ايله حادثدر.
۲۱- اعيان نه در، قسملرى نه لررد؟
اعيان : ما له قيام بذاته
اعيان، يا اكى ويا دها جوق جزدن مركبدر كه بو جسمدر؛ ويا مركب دكلدر، جوهر كبى .
۲۲-اعراضى تعريف ايديب حادث اولوشنى ايضاح ايديكز.
اعراض:ما لا يقوم بذاته.
اعراضك بعضسنك حدوثي مشاهده ايله، بعضيسنك حدوثى ده دليل ايله در. بو دليل ده يوقلغك عادض اولماسيدر. ( طريان عدمدر. )
۲۳-اعيانك حادث اولوشنى ايضاح ايديكز .
اعيان حوادثدن خالى دكلدر. حوادثدن خالى اولمايام هر شئ حادثدر. او حالده اعيان ده حادثدر.
۲٤- بز شرح عقائدده متكلمينك حضرت اللهك وارلغينى اثبات دليللرندن هانكيسيني اوقودق؟ قيصه جه ايضاح ايديكز.
حدوث دليلني اوقودق. حدوث دليلي قيصه جه شويله در: عالم بوتون جزلريله حادثدر، هر حادثك البته بر محدثي واردر، او حالده عالمك ده بر محدثي واردر كه؛ بو محدث، واجب الوجود اولان حضرت الله در.
۲٥- محدِث عالم اولان حضرت الله نيجون واجب الوجوددر؟
اكر جائز الوجود اولسه ايدي عالم جمله سندن اولوردى كه او زمان عالمك محدثي اولمايه صالح اولمازدى.
۲٦-برهان تطبيق نه در؟ هانكى خصوصده دليلدر؟
برهان تطبيق، تسلسلى ابطال ايده رك واجب الوجودك اثباتنده دليلدر. برهان تطبيق: معلول اخيردن نهايتسز اولارق بر جمله، بوندن بر مرتبه اوكجه باشلايان ايكنجي بر جمله فرض اولونور. صوكره بو جمله لر قارشيلاشديريلير. اكر برنجي جمله ده كى هر بر معلولك حذاسنده ايكنجى جمله دن بر معلول دنك كلييورسه ناقص زائد كبى اولور كه بو محالدر. اكر دنك كلمه يور ايسه او زمان برنجى جمله ده – ايكينجى جمله ده كى حذاسنده بر شئ بولونمايان- بر معلول وار ديمكدر كه بو، ايكنجى جمله نك نهايته ارديكني كوسترير. برنجى جمله ايكنجى جمله دن متناهى بر مقدار ايله زياده اولديغندن او ده نهايت بولمشدر وبويله جه تسلسل ابطال اولمشدر.
۲٧-برهان تمانع هانكى خصوصده دليلدر؟ برهان تمانعى ايضاح ايديكز.
وحدانيت الهى يى اثباتده دليلدر. برهن تمانع : اكر ايكى اله ممكن اولسه ايدي، البته ارالرنده تمانع ( قاوغا ) ده ممكن اولوردى. مثلا برى زيدك جركتنى، ديكرى ده سكوننى ايستردى. بونلردن هر ايكيسي بردن كرجكله شه مز. جونكى ايكي ضد بر اراده اولاماز. ساده جه برى كرجكلشسه او زمان ديكريبك عاجز اولماسى لازم كركير كه عاجز اولان بر شئ اله اولاماز. او حالده بردن فضله الهك اولماسى محالدر.
۲٨-جناب حقك عرض، جسم وجوهر اولمامه سنى ايضاح ايديكز.
عرض دكلدر: جونكى عرض بذاته قائم اولمايوب بر محله محتاجدر. عرض اولسه ايدي ممكناته داخل اولوردى؛ جسم دكلدر: جونكى جسم اولسه ايدي مركب و متحيز اولماسى لازم كليردي. بو ايسه حدوث علامتيدر؛ جوهر دكلدر: جونكى جوهر اولسه ايدي متحيز اولماسى وجسمدن بر جزء اولماسى لازم كليردى. جناب حق بونلرك تمامندن منزه در.
۲٩- جناب حق نيجون مكان و زماندن منزهدر؟
جونكى جناب حق تمكنك وصفلرندن اولان ابعاد ثلاثه ومقداردن منزه در. زيرا بو ايكي وصف تجزى( بارجه لانمه) يي اقتضى ايدر. حضرت الله بوندن منزه در. جناب حق مكاندن منزه اولونجه زماندن ده منزه در.
۳٠- جناب حقه نيجون هيج بر شئ بكزه مز ؟
جونكى بوراده كى مشابهت و مماثلت ايله، حقيقتده اتحاد مراد اولونورسه هيج بر شيئك جناب حقه مماثل اولاما ياجغى ظاهردر. اكر ايكي شيدن برينك ديكرى مقامنه قائم اولماسى مراد اولونورسه بو ده ممتنعدر. زيرا موجوداتدن هيج بر شئ ذات الهى و صفات الهى مقامنه قائم اولاماز.
۳۱- متشابه آيت وحديثلرك حكمى نه در؟
متشابه نصلرك علمى يا حضرت اللهه حواله ايديلمليدر كه بو سلفك يوليدر و اك سليم يولدر. و يا بو نصلر صحيح تأويللرله تأويل ايديلمليدر. بويله جه جاهللرك طعنلرى دفع ايديلمش اولور. بو يول ايسه متأخرينك يوليدر واك صاغلام يولدر.
۳۲-نيجون حضرت اللهك علم و قدرتندن بر شئ جيقماز؟ برر آيت كريمه ايله تأييد ايديكز
جونكى بعض شيلرى بيلمه مك و بعض شيلردن عاجز اولمق نقصانلقدر و بر ترجيح ايديجى يه محتاج اولمقدر.حالبوكه قطعى نصلر جناب حقك علم و قدرتنك هر شيئه شامل اولديغنه دلالت ايتمكته در. فهو بكل شىء عليم، وهو على كل شىء قدير.
۳۳-اهل سنته كوره جناب حقك صفتلرينك خصوصيتلرى نه لردر؟
جناب حقك صفتلرى، واجب مفهومى اوزرينه زائد بر معنادر، ازليددر، جناب حقك ذاتيله قائمدر، ذاتنك عينى ده دكلدر، غيرى ده دكلدر.
۳٤-جناب حقك صفتلرى ذاتنك عينى ده غيرى ده دكلدر افاده سنده كه عينيت و غيريت ناصل تفسير اولونور؟
بوراده كه غيريت، ايكى موجودك –برى اولمدن ديكرينك موجوديتى تصور اولونابيله جك – بر حالده اولمسيدر. يعنى انفكاكك جائزاولمسيدر. عينيت ايسه ايكى شيئك مفهومنك هيج بر فرق اولمقسزين بر اولمسيدر.
۳٥-صفات الهيه خصوصنده معتزله-فلاسفه، كراميه و اشاعره نك كوروشلرى نه در؟
معتزله-فلاسفه صفات الهيه يى نفى ايدر، كراميه قدمنى نفى ايدر، اشاعره ايسه عينيت و غيريتنى نفى ايدر.
۳٦-جناب حق ناصل بر كلامله متكلمدر؟ كلام صفتنك ثابت اولديغنه دائر دليلمز نه در؟
جناب حق كندى ذاتيله قائم، ازلى، سس و حرف جنسندن اولميان، سكوت و آفته منافى بر كلامله متكلمدر. دليلمز: ۱-اجماع امت، ۲-انبياء عليهم الصلاة والسلامدن كلن "الله تعالى متكلمدر" شكلنده كى متواتر نقل، متكلم اولديغنه كوره كلام صفتنك ثابت اولديغى قطعيدر.
۳٧-قرآنك مخلوق اولوب اولمديغى خصوصنده اهل سنت، معنزله و حنبليلرك كوروشلرينى يازيكز.
اهل سنته كوره هم جناب حقك ذاتيله قائم اولان ازلى معنايه (=كلام نفسى)، هم ده حرف و سسلردن مؤلف اولان نظمه (=كلام لفظى) قرآن دينيلير.ايشته قرآن، كلام نفسى اعتباريله مخلوق دكلدر، لكن كلام لفظى اعتباريله مخلوقدر. معتزله يه كوره ايسه كلام نفسى دييه بر شئ يوقدر، قرآن جناب حقك حرف و سسلرى جبرائيل عليه السلامده ويا بيغمبريمزده ياراتمسندن عبارتدر و طولاييسيله قرآن مخلوقدر. حنبليلره كوره ده قرآن مخلوق دكلدر، لكن اونلر لفظ-معنى آيريمى يابمازلر، قرآنك هم لفظى هم ده معناسى اللهك ذاتيله قائم اولوب مخلوق دكلدر.
۳٨-معتزله نك ادعا ايتديكى كبى، الله تعالىنك كلامى اولان قرآنك مصحفلرده يازيلمش اولمسندن حادث اولمسى لازم كليرمى؟
خاير لازم كلمز.هر نه قدر مصحفلره يازيلسه ده، قلبلرده محفوظ اولسه ده، لسانلرله اوقونوب قولاقلرله ايشيتيلسه ده بونلردن هيج برينه حلول ايديجى دكلدر. بلعكس حضرت اللهك كلامى اولان قرآن: اونك ذاتيله قائم ازلى بر معنادر، لكن بو معنى كنديسنه دلالت ايدن بر نظمله تلفظ ايديله بيلير، ايشيتيله بيلير، حفظ اولونابيلير، يازيلابيلير.
۳٩-هم كلام نفسى هم ده كلام لفظى ايجون "كلام الله" دينيليرمى؟ هر برندن مقصد نه اولور؟كلام نفسى ايشيتيله بيليرمى؟
اوت ايكيسى ايجون ده دينيلير. كلام نفسى ايجون دينيلديكنده مقصد: "حضرت اللهك صفتى اولان كلام" اولور.كلام لفظى ايجون دينيلديكنده ايسه مقصد: "حضرت اللهك اثرى (مخلوقى) اولان كلام" اولور. كلام نفسى، امام اشعرى يه كوره ايشيتيله بيلير، امام ماتريدى يه كوره ايسه كلام نفسى دكل، كلام نفسى يه دلالت ايدن سس ايشيتيله بيلير.
٤٠-تكوين ناصل تفسير اولونور؟ تكوين مكونك عينيميدر؟
تكوين:"اخراج ال[/
Eylül 25, 2008, 04:21:22 am
Dilber MC Theme by HarzeM