فاتح سلطان محمد

فاتح سلطان محمد
سلطان محمد كريم و عاديل و شجاع و عالم و ديندار و محب علما فضلا ملكدي. نرده بر اهل كمال اواسه اوني استانبوله كتيرمكه سعي ايدردي. حتي سمرقنددن مولانا علي قوشجي يي جميع تعلقاتيله كتيردوب بي قياس مبالغ اعطا ايدوب امواله غرق ايتمشدي. بر كشي صنعتده ماهر اولسه البته اوني كتيردوب علوفه تعيين ايدردي. هيچ بر كشي دركاهنه كلوب محروم اولمازدي. قچن سيرانه آتلنسه يواده اغراديغي فقرايه دنانير اعطا ايدردي. استانبولك فقراسندن اونك فلوريسني ييمدك آدم كشي نادردي. اهل مسكنتدي. بر درويش كورسه اوكا تواضع و مسكنت كوستريردي. و دخي شعرايا ماءلدي. اونك زماننده علما و فقرا و صلحا و سفرا رفاهيتده ايدي. تفسير زحمتي اولديغندن اطبايه غايت اعتبار ايدردي. حتي حكيم يعقوبي اول جهتدن وزير ايدنمشدي. و دخي سياستده بر حيثيتده ايدي كه بر كشي بر كمسه نك بر حبه سني آلسه، هلاك ايدردي. و دخي فواحشي سومزدي.في الجمله تهمت زنا ايدن أري و عورتي هلاك ايدردي
هجرتك سكزيوزسكسن آلتنجي ييلي صفر آيينك يكرمي يدنجي كوننده سلطان استانبولدن آناطولي يه كچوب ككبوزه طرفنه يورويوب نريه سفر ايدجكني كيمسه بيلمزدي.زيرا سلطان محمدك عادتيدي، سفر ايتديكي وقت نريه كيتديكني كيمسه يه ديمزدي. و با لجمله بر قاچ كوچ كوچوب ربيع الاول آيينك دوردنجي كوني پنجشنبه كوني آت آراباسنه كيروب كوچوب ككبوزه يه ياقين يرده مال دپه سنك چاييرينه قوندي. ديرلركه استانبولدن چيقالي حسته يدي.آت آراباسنه كيروب سفر ايتديكنه اجنبي كيمسه واقف دكلدي. اول كون كه مال دپه سنه قونديلر، ايكندي وقتيدي. ” يا ايهاالنفس المطمءنه ارجعي الي ربك” نداسي سمع شريفنه ايريشوب قبض تندن هماي روحي ملك مثال پرواز اوروب فضاي قدسي عالمندن كچوب سلامتله آستانء دار السلامه ايريشدي. رحمت الله رحمة واسعه.....جهان نما‘ دن

İlgili Konular
	Konu Başlığı	Başlatan	Yanıtlar	Görüntülenme	Son Mesaj
	السلام عليكم ورحمة الله وبركاته YENİ Mİ GELDİN? E HOŞ GELDİN :)	yamakasi	2	565	Eylül 25, 2008, 04:21:22 am Gönderen: İsra
	علم كلام سؤاللرى و جوابلرى METİNLER MÜZAKERELERİ	elleziy	0	304	Temmuz 20, 2008, 08:34:31 pm Gönderen: elleziy
	Selamun aleyküm , إخوة الأخلاق و الإخوان المسلمين YENİ Mİ GELDİN? E HOŞ GELDİN :)	Anti_Ebrehe	10	511	Eylül 29, 2009, 06:05:44 pm Gönderen: Anti_Ebrehe
	انشودة ياروحي من قناة المجد MULTİ MEDİA	Lika	0	173	Eylül 28, 2009, 08:40:51 am Gönderen: Lika
	شاهد واستمع وقل ما شاء الله KUR'AN-I KERİM VE AŞR-I ŞERİF	Devri Âlem	6	367	Ocak 31, 2010, 01:46:01 pm Gönderen: hsgul

	Selamün Aleyküm; Ziyaretçi kardeşim. Ailemiz ferdiysen giriş yap. Değilsen Sadakat Ailesine 10 sn de katılabilirsin.	Mart 19, 2010, 05:55:30 pm
		Kullanıcı adınızı, parolanızı ve aktif kalma süresini giriniz